ირაკლი კობახიძის სამსახურთან ისევ უწყვეტი პროტესტია. დიუშენის კუნთოვანი დისტროფიის მქონე მოზარდების მშობლები ამ დრომდე ელოდებიან კობახიძის მათთან გამოჩენას და საუბარს.
მშობლები უკვე მეორე კვირაა უწყვეტად დგანან ქუჩაში და საკუთარი შვილების სიცოცხლის გასახანგრძლივებლად მედიკამენტს ითხოვენ.
როგორც ისინი ამბობენ, ვიდრე მათი მოთხოვნები არ შესრულება, პროტესტი გაგრძელდება.
“ვიდრე წამალი არ იქნება შემოტანილი, აქციის შეწყვეტას არ ვაპირებთ, რადგან ბავშვებს ეს წამალი აძლევთ შანსს, რომ გადარჩნენ. ახლა ბავშვს უწერია მხოლოდ სიკვდილი 20-25 წლის ასაკში, ასე, რომ წამლის გარეშე აქედან წასვლა არანაირი აზრი არ აქვს. იმედია, მეტ ადამიანობას თუ პროფესიონალიზმს გამოიჩენენ და ის წამლები, რომლებიც უკვე აპრობირებულია, ის მაინც იქნება შემოტანილი. იმედია დაფინანსდება და ბავშვებს მისცემენ შანსს, გადარჩენის. ყოველ კვირა დღეს იქნება მსვლელობა დაგეგმილი ფილარმონიიდან კანცელარიამდე, უწყვეტი აქცია კი გრძელდება, – ამბობს ერთ-ერთი მშობელი.