“ზეზეური პოლიტიკური ლეში” – ამ სიტყვებით მოიხსენია “ლელო – ძლიერი საქართველოს” წევრმა, თაზო დათუნაშვილმა ჯანდაცვის მინისტრი, მიხეილ სარჯველაძე და პარლამენტში მის გამოსვლაზე ისაუბრა.
მისი თქმით, “ქართული ოცნების” სტანდარტისთვისაც გამაოცებელია“, რასაც მიხეილ სარჯველაძე “კადრულობს”.
“ჯანდაცვის მინისტრი, რომელიც პასუხისმგებელია ამ ქვეყანაში ყველა ავადმყოფის გამოჯანმრთელებაზე, ოპონენტებს ავადმყოფს ეძახის დასამცირებლად” – ამბობს თაზო დათუნაშვილი.
მიეცით ბავშვებს წამალი. მშობლები არაფერს არ ითხოვენ, გარდა საკუთარი შვილების მომავლის გახანგრძლივებისა, საკუთარი შვილების ჯანმრთელობას, მეტს არაფერს არ ითხოვენ.
რაც ვიხილეთ პარლამენტში, ეს არის ადამიანური დეგრადაციის ალბათ ერთ-ერთი ყველაზე ამაზრზენი და ამორალური სახე, რომელიც არის მიშა სარჯველაძე. ის, თუ რა სჭირს “ქართულ ოცნებას”, რას ნიშნავს ხელისუფლების ხრწნა, რას ნიშნავს ხელისუფლებით თრობა, აღვირახსნილობა ავტოკრატიული სისტემის, აღვირახსნილობა ამ ხელშეუხებლობის, კასტებად გაყოფის, ამ ჯოჯოხეთის, რასაც “ქართული ოცნება” წარმოადგენს, დღეს, 2026 წელს, ამ ყველაფრის სახე-ხატება არის ეს ზეზეური პოლიტიკური ლეში, რომელიც დღეს საქართველოს ჯანდაცვის მინისტრია. რომელიც პასუხისმგებელია ამ ქვეყანაში ყველა ავადმყოფის გამოჯანმრთელებაზე, ოპონენტებს ავადმყოფს ეძახის დასამცირებლად. ამ მორალის კაცია. ესეთი დეჰუმანიზაცია ქართულ პოლიტიკაში, ჩვენი უახლესი ისტორია სამოქალაქო ომით დაიწყო, ესეთი დეჰუმანიზაცია პოლიტიკურ პროცესში, რასაც ეს კაცი კადრულობს მე მართლა არ მინახავს, “ქართული ოცნების” სტანდარტისთვისაც გამაოცებელია.
ეს კაცი არის პასუხისმგებელი საქართველოს ბიუჯეტის ხარჯვის ყოველ მესამე ლარზე, ყოველი მესამე ლარი, რომელსაც ხარჯავს სახელმწიფო, ამაზე პასუხისმგებელია მიხეილ სარჯველაძე. ეს არის ადამიანი, რომელიც ამ ცინიკური სახით, მექიდნური ლაპარაკით და ბინძური, დრამატული საუბრით, რომლითაც დღეს ტრიბუნიდან მიმართავდა ოპონენტებს, მშობლებს და ადამიანებს, რომლებიც ბავშვების სიცოცხლის გახანგრძლივებას ითხოვენ, ეს კაცი ამბობს, რომ 9 მილიარდიდან 30 მილიონი ლარი ვერ გამოყო ამდენი თვის მანძილზე,” – განაცხადა თაზო დათუნაშილმა.
შეგახსენებთ, რომ ჯანდაცვის მინისტრი დღეს პარლამენტში ინტერპელაციის წესით იყო დაბარებული. პარტია “საქართველოსთვის” დეპუტატებს მასთან კითხვები დიუშენის დაავადეის მქონე ბავშვებისთვის მედიკამენტის შემოტანასთან დაკავშირებით ჰქონდათ.