საქართველოს საპატრიარქო საეკლესიო ნივთების გაყიდვასთან დაკავშირებით სპეციალურ განცხადებას აქვეყნებსდ ა საზოგადოებას აფრთხილებს:
„განმარტების მიუხედავად, გრძელდება საქართველოს საპატრიარქოს სახელის უნებართვოდ გამოყენების ფაქტები.
სატელეფონო ზარის მეშვეობით, თითქოს კათოლიკოს-პატრიარქის ლოცვა-კურთხევით, მოქალაქეებს კვლავ სთავაზობენ სხვადასხვა საეკლესიო ნივთს, ახლად დაბეჭდილ ბიბლიას ან ძვირადღირებულ საეკლესიო ატრიბუტიკას.
კიდევ ერთხელ შეგახსენებთ, რომ საპატრიარქოს არცერთ ოფიციალური სამსახური არ გასცემს ნებართვას ან კურთხევას მსგავსი მარკეტინგული საქმიანობისთვის და არც რაიმე კავშირი აქვს ასეთ პირებთან, რომლებიც პატრიარქის სახელით, სავარაუდოდ, მოსახლეობის ნდობის მოპოვებასა და ამ გზით ნივთების გაყიდვას ცდილობენ. გთხოვთ გაითვალისწინოთ.“ – ნათქვამია განცხადებაში