ჰაკერებმა რუსეთის მთავარი რადიოსადგური გატეხეს – ინფორმაცია რადიო Kommersant FM-ის მთავარმა რედაქტორმა უკვე დაადასტურა.
კიბერშეტევის შედეგად რუსეთის მთავარ რადიოსადგურზე უკრაინის ჰიმნი და ომის საწინააღმდეგო სიმღერები გაჟღერდა.
“ეს ნამდვილად კიბერშეტევა იყო, ტექნიკური სპეციალისტები ამ დრომდე მუშაობენ, რათა თავდამსხმელის ვინაობა გაარკვიონ” – აცხადებს რადიოსადგურის მთავარი რედაქტორი.
აღნიშნული რადიოსადგური რუს ოლიგარქს, ალიშურ უსმანოვს ეკუთვნის, რომელიც რუსეთის ყველაზე მდიდარ ადამიანებს შორის მე-5 ადგილს იკავებს. მას ევროკავშირმა “პუტინის ერთ-ერთი საყვარელი ოლიგარქი” უწოდა და აშშ-სთან ერთად უსმანოვს რუსეთის უკრაინაში შეჭრის შემდეგ სანქციებიც დაუწესა.