რუსი მომღერალი ფილიპ კირკოროვი აცხადებს, რომ მას აღარ აქვს შესაძლებლობა შეიძინოს ნივთები “ბალენსიაგაში”, რადგან დემნა გვასალიამ ის, მისი თქმით, შავ სიაში შეიყვანა რუსეთის მხარდაჭერის გამო.
“ვიცნობ გურამს, დემნას არ ვიცნობ, მაგრამ ვარ ბალენსიაგას ფანი. მსოფლიოში ცნობილ დიზაინერებთან შესანიშნავი ურთიერთობა მაქვს და ყველას შოუს ვესწრები, დემნამ კი ბალენსიაგას შავ სიაში შემიყვანა, რადგან ვარ რუსი და მხარს ვუჭერ რუსეთის პრეზიდენტს. ამ ბრენდში მთელ მსოფლიოში არაფრის ყიდვა არ შემიძლია. პერსონალურად მე ჩემი ბარათით ან ქეშით არაფრის შეძენა არ შემიძლია. ეს სულელური გადაწყვეტილებაა…” – ამბობს პუტინის პროპაგანდისტი რუსი მომღერალი ფილიპ კირკოროვი.