ჯანგველაძის მკვლელობის საქმე – რუსეთში დაწყებული გამოძიება სხდომათა დარბაზში განხილვის თემა მას შემდეგ გახდა, რაც დაცვის მხარის დასკვნითი სიტყვის დროს, ერთ-ერთმა ადვოკატმა, გიორგი ჯოხაძის უფლებადამცველმა განმარტა, რომ არცერთი მოწმე, რომელმაც ჩვენება მისცა ბრალდებულების წინააღმდეგ, რეალურად პირდაპირი მოწმე არ არის და არანაირ ინფორმაციას არ ფლობს.
დაცვის მხარე ამტკიცებს, რომ ბრალდებულების წინააღმდეგ ჩვენებები პროკურატურამ 3000 დოლარის სანაცვლოდ მოიპოვა.
ლიკა ბითაძემ სხდომათა დარბაზში მიკულსკის ჩვენების ოქმი წარადგინა, რომელიც მან რუსულ გამოძიებას მისცა და სადაც ამბობს, რომ საქართველოში 3 ათასი დოლარის სანაცვლოდ ჩამოვიდა, რეალურად კი ჯანგველაძეს არ იცნობდა.
თუ კი ბრალდების მხარისთვის იყო სარწმუნო, რუსეთის ფედერაციის მოქალაქეების ჩვენება, მაშინ დღეს რატომ აღარ არის რუსეთის მიერ დაწყებული გამოძიება სარწმუნო, იმიტომ, რომ სამაგათო ჩვენება უკვე აღარ მისცა. გამოიძიეთ და გამოიკვლიეთ – მიმართა ფარცხალაძემ და როდესაც გამოძიება დაიწყო, როზა ნარცისოვამ მხოლოდ მაშინ იგრძნო რეალური შიში იმისა, რომ ანგარების მოტოვით მისცა ჩვენება და დაადო ხელი უდანაშაულო პირებს ხელი და ახლა გამოდის რაღაც ფეიქ ექაუნზე ეწერა აუდიო-ვიდეო ჩანაწერით და ადასტურებს, რომ ეს ასე არ ყოფილა, – ამბობს ბითაძე.
თუმცა, პროკურატურა ამბობს, რომ ამ ადამიანების ჩამოყვანა შეუძლებელი გახდა და სწორედ ამის გამო, ისინი ჯერ გამოიკითხნენ გამოძიების პერიოდში, შემდეგ კი უკვე მაგისტრი მოსამართლის წინაშე მისცეს ჩვენება და შესაბამისი ოქმიც არსებოს.
ჩვენთვის ამოსავალი წერტილია მოწმის დაკითხვის და გამოკითხვის ოქმი, სადაც ეს მოწმეები გაფრთხილებულები არიან, მათ შორის, ცრუ ინფორმაციის მოსალოდნელი პასუხიმსმგებლობის თაობაზე არიან გაფრთხილებულები. არა მარტო გამოძიების ეტაპზე, მოსამართლის წინაშეც, თარჯიმნის მეშვეობით დაიკითხნენ. ამიტომ შინაარში რომ შევიდე, ერთი მოწმის, რომელიც ვიდეოში ამბობს, რომ, თითქოს, კითხვები არ დასმულა, ძალიან მარტივად გეტყვით, სხდომის ქომიც კი არის გადმოცემული, სადაც კითხვა-პასუხის რეჟიმში მიმდინარეობს დაკითხვა, უფრო შორსაც რომ წავიდეთ, მოსამართლე გამომძიებელს ეუბნება, რომ აცალე პასუხის გაცემა და მერე დასვი შეკითხვებიო. სასამართლოზე მათი დაკიტხვა იმიტომ ვერ მოხდა, რომ ვერ შედგა კონტაქტი, ტელეფონის ნომერზე, რომელიც ჰქონდა მითითებული ერთ-ერთ მათგანს, ვერ დაუკავშირდა, – განაცხადა ვეფხვაძემ.
შეგახსენებთ, რომ რუსეთის მოქალაქეების როზა ნარცისოვას და ილია მიკულსკის ჩვენებები დევს ექს-გენპროკურორის, “კანონიერი ქურდის” ძმის, ლევან ჯანგველაძის მკვლელობის ორგანიზებაში ბრალდებული ოთარ რომანოვ-ფარცხალაძის წინააღმდეგ მიმდინარე საქმეში. ორივეს მონათხრობის თანახმად, ისინი მოკლული ჯანგველაძის ახლო გარემოცვის წევრები იყვნენ.
- ცნობისთვის, ე.წ. კანონიერი ქურდის ძმა, ლევან ჯანგველაძე ჭავჭავაძის გამზირზე 14 მარტს ჩაცხრილეს. მომხდარზე პოლიციამ 17 მარტს გელა უძილაური დააკავა. მას სასამართლომ უვადო პატირმობა უკვე მიუსაჯა.
სანქცირებულ ექს-პროკურორს ოთარ ფარცხალაძეს კი ლევან ჯანგველაძის შეკვეთით და ანგარებით განზრახ მკვლელობის მომზადებაში სდებენ ბრალს. მას სასამართლომ პატიმრობა დღეს, 30 დეკემბერს, დაუსწრებლად შეუფარდა.
ფარცხალაძესთან ერთად, გამოძიება ძმებ გიორგი და დავით მიქაძეებს, ასევე გიორგი ჯოხაძეს ლევან ჯანგველაძის შეკვეთით მკვლელობის ორგანიზებას ედავება.
ოთარ რომანოვ- ფარცხალაძე რუსეთის მოქალაქეა, საგამოძიებო უწყებები ამბობენ, რომ მის მიმართ საერთაშორისო ძებნაა გამოცხადებული.