მამუკა მდინარაძისთვის სახელმწიფო უსაფრთხოების სამსახურის უფროსის უფლებამოსილების ვადამდე შეწყვეტის საკითხი განიხილა დღეს საპროცედურო საკითხთა კომიტეტმა. აღნიშნულის შესახებ დასკვნა დავით მათიკაშვილმა წარადგინა. საკითხს საპროცედური საკითხთა კომიტეტის სხდომაზე კენჭი უყარეს და მხარი დაუჭირეს.
სამთავრობო ცვლილებების შესახებ განცხადება 21 აპრილს პრემიერ-მინისტრმა, ირაკლი კობახიძემ გააკეთა. ცვლილებების თანახმად, მამუკა მდინარაძემ ვიცე პრემიერისა და ასევე ახალი სამინისტროს-სამართალდამცავი ორგანოების კოორდინაციის საკითხებში სახელმწიფო მინისტრის თანამდებობა უნდა დაიკავოს. სუს-ის ხელმძღვანელის თანამდებობაზე კი შინაგან საქმეთა ყოფილი მინისტრი გეკა გელაძეა წარდგენილი.
საპროცედურო საკითხთა კომიტეტმა დასკვნას მხარი დაუჭირა. საკითხს კენჭს პლენარულ სხდომაზე უყრიან.