“არანაირი ჩარევა არ არის, დაველოდოთ 28 აპრილს” – მეუფე საბა

ჩრდილოეთ ამერიკის ეპისკოპოსი, მეუფე საბა ინწკირველი ირწმუნება, რომ პატრიარქის არჩევნებში არანაირი ჩარევა და არანაირი სახის ზეწოლა არ მიმდინარეობს.

მაღალი იერარქი, რომელიც დღეს სიონის საპატრიარქო ტაძარში ილია მეორის გარდაცვალებიდან მე-40 დღესთან დაკავშირებით წირვას ესწრებოდა, აცხადებს, რომ საზოგადოება უნდა დაელოდოს 28 აპრილს, როცა სინოდი პატრიარქობის სამ კანდიდატს დაასახელებს.

ვინ იქნებიან შესაძლო კანიდიდატები, მეუფემ მედიის ამ კითხვას არ უპასუხა.

“პირადად მე შემიძლია ვთქვა, რომ არანაირი ზეწოლა არ არის. ჩვენთან არანაირი მინიშნებები არ ყოფილა და 28-ში დაველოდოთ და სინოდი მიიღებს გადაწყვეტილებას.

სინა სინოდის სხდომაზე იყო განხილული რაღაც განხილული. რაღაც დარჩა გასახილველი, რომელიც 28-ში მოხდება და გაქვთ ინფორმაცია, რომ 28-ში სამი კანდიდატი დასახელდება. ჩემთან არ ყოფილა ჩარევა, არანაირი ჩარევა არ არის. მე პირადად არც სხვასთან მსმენია ჩარევაზე. წმინდა სინოდი გაიმართება, მიიღებს გადაწყვეტილებას, დაელოდეთ და იქნება გადაწყვეტილება. კანდიდატებს რაც შეეხება – ეს ფარული კენჭისყრაა და მე წინასწარ არ ვამბობ”, – ამბობს მეუფე საბა.