მილიარდერმა მარკ კუბანმა დაიწყო ომი აფთიაქების წინააღმდეგ. ცოტა ხნის წინ მან გახსნა ონლაინ აფთიაქი, სადაც 100-ზე მეტი წამალი დაბალ ფასად იყიდება. ის წამლების რეალურ ფასს მხოლოდ 15%-ს უმატებს მაშინ, როდესაც აფთიაქები 100%-იან მოგებას იღებენ.
აღნიშნულ ფაქტს „ფეისბუკის“ ქართველი მომხმარებელი Irakli Vac გამოეხმაურა, რომელმაც საზოგადოებას განუმარტა თუ როგორ შეძლონ ძვირადღირებული წამლების იაფად შეძენა:
“მილიარდერმა მარკ კუბანმა გახსნა ინტერნეტ აფთიაქი, სადაც სხვებისგან განსხვავებით, ფასმატება 15%-ს შეადგენს და არა ასობით და ათასობით პროცენტს. მაგ., ლეიკემიის 10000$-იანი წამალი აქ მხოლოდ 47$ ღირს.Cinacalcet HCl (Sensipar თირკმელებისთვის) ამათთან 21$. აფთიაქებში 1,633.50$.
დაზღვევა: დაზღვევით ვერ შეიძენთ, რადგან სწორედ დიდი ფარმაკოლოგიური გიგანტების და სადაზღვევო კომპანიების ფასწარმოების პოლიტიკას არღვევს ეს მოდელი. ამიტომ, ის იმათ არ ეთანამშრომლება.
რეცეპტი: წამლების უმრავლესობას ექიმის რეცეპტი ჭირდება. არ ვიცი ქართულ რეცეპტებს იღებს თუ არა. მაგრამ ქართველი ამერიკელი ექიმებისგანაც შეიძლება ალბათ რეცეპტის მოპოვება, კამექსით ან სხვა ფოსტით გამოწერა და ა.შ. და თუ მათ ვერ ჩამოაქვთ, შეიძლება ვინმეს სთხოვოთ წამოიღოს, ვინც მოფრინავს. როცა ათიათასობით დოლარს ზოგავ, წვალებად ღირს.
ფასები: რაზეც ვნახე, საქართველოზე იაფიცაა ზოგი და ალბათ ზოგი ისეთი წამალია, რაც აქ არც იშოვება, ან ძალიან ძვირი ღირს. იცოდეთ და გამოიყენეთ.
გაზიარებისას ჩემი ტექსტიც დააკოპირეთ ჯერ, თორემ ყველას ორიგინალი ინგლისური მიგაქვთ და ბევრი ალბათ ვერც წაიკითხავს.”