დატოვებს თუ არა “ნაციონალური მოძრაობა” ოპოზიციურ ალიანს? საკითხი დღის წესრიგში მას შემდეგ დადგა, რაც ალიანსის წევრების ნაწილი პატიმრობაში მყოფი, მიხეილ სააკაშვილის პოსტმა გაანაწყენა, სადაც სააკაშვილმა ერთ-ერთ ადამიანს, “არც თუ ისე უნიჭო და ენერგიული პოლიტიკოსი” უწოდა.
ალიანსმა სააკაშვილს ციხეში შეუთვალეს, რომ პოსტების წერას თავი დაანებოს და მათზე ლიდერობის პრეტენზია არ ჰქონდეს. პოლიტიკურმა პოლემიკამ გააჩინა განცდა, რომ “ნაცმოძრაობა”პოლიტიკური ერთობიდან გასასვლელად ემზადება.
გინდათ თუ არა ბრძოლა ჩვენთა ერთად? – ეს კითხვა აქვს ოპოზიციურ ალიანსთან “ნაციონალურ მოძრაობას”. პარტიაში ამბობენ, რომ მათი ლიდერი სააკაშვილია და ამ რეალობას არაფერი შეცვლის. დღეს ტვ პირველის ეთერში ლევან ბეჟაშვილმა ახალი ლიდერის მოძებნის საჭიროებაც ვერ დაინახა და თქვა რომ პოლიტიკურ სპექტრში ყველაზე რეიტინგული ლიდერი სწორედ მესამე პრეზიდენტია.
ოპოზიციური ალიანსი ორი თვის წინ შეიქმნა. ალიანსის წევრებმა ხელი მოაწერეს შეთანხმებას, რომელიც ურთიერთ თანამშრომლობას და ურთიერთ თავდასხმებისგან თავის შეკავებას ითვალისწინებს. ოპოზიციური ალიანსის ნაწილმა სააკაშვილის პოსტში, რომლითაც ეს პოლიტიკური კინკლაობა დაიწყო ნიკა მელია ამოიკითხეს. თამარ ჩერგოლეიშვილი აცხადებს რომ კარი ღიაა და ნებისმიერ პარტიას ნებისმიერ დროს შეუძლია ალიანსი დატოვოს.
ბიძინა ივანიშვილის დაფუძნებულ პარტიაში ამბობენ, რომ ოპოზიციური ერთობა დაშლისთვის არის განწირული.