2025 წელს 60+ ასაკის 766 ქალი გახდა ძალადობის მსხვერპლი, 314 კი – კაცი – ამის შესახებ სახალხო დამცველის ანგარიშშია ნათქვამი.
ანგარიშის მიხედვით, ხანდაზმულებზე ძალადობის მაჩვენებელი ბევრად მაღალი 2024 წელს იყო, როცა 860 ხანდაზმული ქალი გახდა ძალადობის მსხვერპლი. კაცების შემთხვევაში კი 298. სახალხო დამცველის ანგარიშში ნათქვამია, რომ 2021 წელს, ქალებშიც და მამაკაცებშიც, ოჯახში ძალადობის ფაქტებზე გამოცემული შემაკავებელი ორდერების ყველაზე მაღალი მაჩვენებელი იკვეთება.
“ბოლო წლებში გაზრდილია ოჯახში ძალადობის ფაქტებზე ქალ მსხვერპლებზე გამოცემული შემაკავებელი ორდერების რაოდენობა. ყველაზე ხშირია ოჯახში ძალადობის ფსიქოლოგიური და ფიზიკური სახეები“ – წერს ომბუდსმენი.
ანგარიშის მიხედვით სტატისტიკა შემდეგნაირია:
• 2021 წელი – ძალადობის მსხვერპლი ქალი 876-ია, კაცი კი 361;
• 2022 წელი – 813 ქალი და 323 კაცი;
• 2023 წელი – 821 ქალი და 312 კაცი;
• 2024 წელი – 860 ქალი და 298 კაცი;
• 2025 წელი – 766 ქალი და 314 კაცი
“სტატისტიკური მონაცემების სიღრმისეული ანალიზი შესაძლებელს გახდიდა დაგვენახა ხანდაზმულ პირებზე ძალადობის მახასიათებლები, ხოლო პასუხისმგებელ უწყებებს დაეხმარებოდა უფრო ეფექტიანი და სპეციალურად ხანდაზმულ პირებზე მორგებული პრევენციისა და დაცვის და დახმარების ღონისძიებების დაგეგმვაში“ – ნათქვამია ომბუდსმენის ანგარიშში.