შიდა ქართლის დეპარტამენტის ინსპექტორებმა გორში ფრინველთა არალეგალურ სასაკლაო გამოავლინეს და ობიექტს საქმიანობა შეუჩერეს. ინფორმაციას ამის შესახებ სურსათის ეროვნულმა სააგენტო ავრცელებს.
უწყების ცნობით, ბიზნესოპერატორი დაჯარიმდა და შეუჩერდა საწარმოო პროცესი რეგისტრაციამდე და შეუსაბამობების გამოსწორებამდე.
„ინდივიდუალური მეწარმე გ. მ. (მის: გორი, სოფელი პატარა გარეჯვარი) სავალდებულო აღიარებისა და ეკონომიკურ საქმიანობათა რეესტრში რეგისტრაციის გარეშე საქმინობდა. ობიექტზე დაფიქსირდა კრიტიკული შეუსაბამობები.
კანონმდებლობის შესაბამისად, ბიზნესოპერატორი დაჯარიმდა და შეუჩერდა საწარმოო პროცესი რეგისტრაციამდე და შეუსაბამობების გამოსწორებამდე.
სურსათის ეროვნული სააგენტო არალეგალური საწარმოებისა და სასაკლაოების გამოვლენას მთელი საქართველოს მასშტაბით განაგრძობს და მოუწოდებს ბიზნესოპერატორებს, არ აწარმოონ პროდუქცია აღიარების მინიჭების გარეშე“, – ნათქვამია სურსათის ეროვნული სააგენტოს გავრცელებულ ინფორმაციაში.