საავტომობილო გზების დეპარტამენტის ინფორმაციით, პროფილაქტიკური სამუშაოების გამო თბილისი-სენაკი-ლესელიძის საავტომობილო გზის 88-ე კილომეტრზე მდებარე გორის საავტომობილო გვირაბში, 7 ივნისის 00:00 საათიდან 9 ივნისის 00:00 საათამდე ყველა სახის ავტოტრანსპორტის მოძრაობა იკრძალება.
გარდა ამისა, 9 ივნისის 00:00 საათიდან 11 ივნისის 00:00 საათამდე შეიზღუდება მოძრაობა გვირაბის თბილისი-სენაკის მიმართულებაზეც.
მათივე ცნობით, გვირაბის სენაკი-თბილისის მიმართულების ჩაკეტვისას ტრანსპორტის ნაკადი შიდასახელმწიფოებრივი მნიშვნელობის გორის გვირაბების შემოსასვლელ გზაზე გადაერთვება.
“საავტომობილო გვირაბის თბილისი-სენაკის მიმართულების ჩაკეტვის პერიოდში ავტოტრანსპორტის ნაკადი გადაერთვება გვირაბის სენაკი-თბილისის მიმართულებაზე და სენაკი-თბილისის მიმართულება გადაერთვება შიდასახელმწიფოებრივი მნიშვნელობის გორის გვირაბების შემოსავლელ საავტომობილო გზაზე”, — აღნიშნულია ინფორმაციაში