სამოქალაქო აქტივისტის, ალბი კორძაიას განცხადების საფუძველზე შსს-მ გამოძიება გაუპატიურების მუხლით დაიწყო – ინფორმაცია მთავარს შსს-ში დაუდასტურეს და უთხრეს, რომ გამოძიება სსკ-ის 137-3 მუხლით დაიწყო, რაც გაუპატიურებას გულისხმობს.
გუშინ სამოქალაქო აქტივისტმა ალბი კორძაიამ, მოძრაობა ნაბიჯის დამფუძნებელი და სამოქალაქო აქტივისტი ლუკა ჭოხონელიძე გოგოს გაუპატიურებაში დაადანაშაულა. მოგვიანებით ლუკა ჭოხონელიძემ სოციალურ ქსელში დაწერა, რომ სიმართლის დასადგენად ნებისმიერ გზას გამოიყენებს, აღნიშნულ ბრალდებებთან დაკავშირებით კი ალბი კორძაიას სასამართლოში უჩივლებს. ამის შემდეგ ალბი კორძაიამ სოციალურ ქსელში დაწერა, რომ ლუკა ჭოხონელიძეს სასამართლოში თავადაც უჩივლებს.