ირაკლი კობახიძის ბრიფინგის პარალელურად, მთავრობის კანცელარიასთან აქტივისტი ანა კომლაძე ბანერზე წარწერით “მთავრობა რომ არ იპარავდეს, ბავშვებს წამალი ექნებოდათ” მივიდია – ინფორმაციას ფოტოგრაფი MO SE ავრცელებს.
მისი თქმით, ქალ აქტივისტს პოლიციამ არ მისცა საშუალება ადმინისტრაციის შესასვლელის წინ მდგარიყო. საბოლოოდ კომლაძეს ტერიტორია დაატოვებინეს.
რამდენიმე თვეა, დიუშენით დაავადებულების მშობლები წამლის მოთხოვნით აქციებს მართავენ. მათ გუშინდელი ღამე მთავრობის კანცელარიასთან გაათენეს.მშობლებს პოლიცია არ აძლევს საშუალებას, ადმინისტრაციის წინ, სკვერში დადგან კარვები ან შეიტანონ პუფები.
მიხეილ სარჯველაძემ დღეს გამართულ ბრიფინგზე განაცხადა, რომ “დიუშენის განკურნებაზე პრეტენზიის მქონე” მედიკამენტი დღეს მსოფლიოში არ არსებობს.
მშობლებისთვის სარჯველაძის პასუხი მიუღებელია, ისინი 24 საათიან პროტესტს აგრძელებენ.