აშშ-ში, ლუიზიანას შტატის ქალაქ შრივპორტში მომხდარი მასობრივი სროლის შედეგად 1-დან 14 წლამდე ასაკის რვა ბავშვი დაიღუპა. ინფორმაციას nbcnews-ი ავრცელებს.
პოლიციის ცნობით, შემთხვევის ადგილზე დილის 6 საათის შემდეგ, ოჯახური კონფლიქტის შესახებ ინფორმაციის მიღებისთანავე მივიდნენ. პოლიციის წარმომადგენლის კრისტოფერ ბორდელონის თქმით, დანაშაულის ადგილი სამ სხვადასხვა სახლს მოიცავდა.
პოლიციის ინფორმაციით, ცეცხლსასროლი იარაღიდან გასროლის შედეგად სულ ათი ადამიანი დაშავდა, თუმცა ორი გადარჩენილის შესახებ ინფორმაცია არ საჯაროვდება.
სამართალდამცველების ინფორმაციით, სროლის შემდეგ ეჭვმიტანილი ადგილიდან მოპარული მანქანით მიიმალა, თუმცა პოლიციამ მისი ლიკვიდაცია შეძლო. პოლიცია თვლის, რომ მსროლელი მხოლოდ ერთი ადამიანი იყო. სროლის მოტივი ჯერჯერობით უცნობია.