ლევან ხაბეიშვილის დედა, მარინა კოტრიკაძე თბილისის საქალაქო სასამართლოში პროცესზე დასასწრებად მივიდა. როგორც ის ამბობს, დღევანდელ პროცესს 7 თვეა ელოდებიან.
მისი თქმით, როგორ შეიძლება ადამიანს, რომელიც ცრუ მოწმედ მიდის, ღირსება ჰქონდეს. ე.ი. უღირს ადამიანს ღირსება ვერ შეელახებოდა.
“ლევანი ე.წ. გამოყოფილ მოწმეებს, გდდ-ის თანამშრომლებს მოუწოდებდა ღირსეული საქციელისკენ, ყველა ძალოვანს ფიცი აქვს დადებული სახელმწიფოს წინაშე, საკუთარი ქვეყნის წინაშე და არა რომელიმე კონკრეტული ადამიანის წინაშე. მათ გადაწყვიტეს უღირსად მოქცეულიყვნენ, თავიანთი ქვეყნისა და ხალხის წინაშე, დადგნენ ცრუ მოწმეებად და დაწერეს განცხადება, რომ ღირსება შეელახათ. როგორ შეიძლება ადამიანს, რომელიც ცრუ მოწმედ მიდის, ღირსება ჰქონდეს. ე.ი. უღირს ადამიანს ღირსება ვერ შეელახებოდა.
დღევანდელ პროცესს 7 თვეა ველოდები, რადგან ჩემი შვილი იმის გამო ჰყავთ დაპატიმრებული, რომ მათ მოუწოდა, საკუთარი ხალხის წინაშე ძალა არ გამოეყენებინათ, არ დაესისხლიანებინათ, ამის გამო, მიიღებდნენ ჯილდოს. მათ ურჩევნიათ ადამიანების ცემაში, დასისხლიანებაში აღებული პრემია მიიღონ და იცხოვრონ მშვიდად” – ამბობს მარინა კოტრიკაძე.