ლევან ხაბეიშვილის საქმის განხილვა თბილისის საქალაქო სასამართლოში – 7 – თვიანი ლოდინის შემდეგ, სასამართლო მტკიცებულებების გამოკვლევას იწყებს.
ლევან ხაბეიშვილი, რომელიც 11 სექტემბერს დააკავეს, ითხოვდა სასამართლოში ის შეურაცხყოფილი სპეცრაზმელები მოეყვანათ, რომელთა გამოც მას ხელბორკილი დაადეს. დღეს სწორედ ერთ-ერთი მათგანი დაიკითხება, რომელიც ამტკიცებდა, რომ პოლიტიკური დაპირების გამო თავი შეურაცხყოფილად იგრძნო და ამიტომ მიმართა საგამოძიებო უწყებას პოლიტიკოსის დაკავების მოთხოვნით.
“ტვ პირველის“ ინფორმაციით, ეს ადამიანი შოთა პაპუაშვილია. დღეს ის სასამართლოს დეტალურად მოუყვება, რატომ იგრძნო თავი შეურაცხყოფილად.
ცნობისთვის, ლევან ხაბეიშვილს ბრალი 2 მუხლით აქვს წარდგენილი. ოპოზიციონერ ლიდერის 339-ე მუხლის მეორე ნაწილს ედავებიან, რაც მოხელისთვის ქრთამის დაპირებას გულისხმობს. მას ასევე ბრალი წარედგინა სისხლის სამართლის კოდექსის 317 მუხლით, რაც პროკურატურის მტკიცებით, საქვეყნოდ ხელისუფლებოს დამხობაზე მოწოდებას გულისხმობს.