თბილისში მიმდინარე ევროპის ჩემპიონატზე ძიუდოში მოქმედი ჩემპიონი, გიორგი სარდალაშვილი (60 კგ) ნახევარფინალში იჭიდავებს – ქართველმა მეოთხედფინალში ბელგიელი ვერსტრაეტენი დაამარცხა და ფინალში გასასვლელად აზერბაიჯანელ ბალაბაი აღაიევს დაუპირისპირდება.
კონტინენტის პირველობა „თბილისი არენაზე“ მიმდინარეობს. ევროპის ჩემპიონატის პირველ დღეს მედლები ოთხ წონით კატეგორიაში გათამაშდება – კაცებში 60 და 66 კგ-ში, ქალებში კი 48 და 52 კგ-ში.
წინასწარი შეხვედრები 10:00 საათზე დაიწყო. ფინალური ბლოკის პირდაპირ რეპორტაჟებს 16:00 საათიდან საქართველოს პირველი არხი და პირველი არხი სპორტი შემოგთავაზებთ.