ქალი აქტივისტი, დარეჯან სხვიტარია, რომელიც პროტესტს პარლამენტთან თვეებია უწყვეტად კარავში გამოხატავს, ამბობს, რომ წუხელ, პოლიციელებმა ისევ პირადი ნივთები წაართვეს და პროტესტის შეწყვეტა მოსთხოვეს.
ქალი აქტივისტი “ტვ პირველთან” აცხადებს, რომ პოლიციელებმა მას პლედებიც კი წაართვეს.
სხვიტარია სახალხო დამცველს მიმართავს, რომ თემით დაინტერესდეს:
“ტრადიციად აქციეს ჩემი დარბევა. მერვედ მოვიდნენ და დამარბიეს – 20 პოლიციელი კი იყო, ერთმანეთს ამაგრებდნენ. გამაღვიძეს, მითხრეს ყველაფერი უნდა წავიღოთო და წაიღეს. ისედაც რა მქონდა – თავად აქვთ ყველაფერი წაღებული და თვეზე მეტია, არ მიბრუნებენ. გენერალურ პროკურატურაშიც დავწერე განცხადება, არავინ დამიტოვებია, სადაც შემეძლო, საჩივრის გაგზავნა. 112-შიც დავრეკე, ვუთხარი რომ ყველა ერთი ჯგუფია, თუმცა მაინც დავაფიქსირე რომ 20 პოლიციელი დამესხა თავს და ყველაფერი წაიღეს.
მოვითხოვ, მობრძანდეს სახალხო დამცველი და ნახოს რა პირობებში მიწევს პროტესტის გამოხატვა. ყველაფერი დარღვეულია. არ ვაპირებ გაჩერებას, ნელ-ნელა, წვე-წვეთად ჩვენ ამ ხელისუფლებას მოვიშორებთ” – თქვა აქტივისტმა.