ბოლო 1 წელში საქართველოში უგზო-უკვლოდ დაკარგულად მინიმუმ 28 ადამიანი ითვლება – ინფორმაციას Ambebi.ge ავრცელებს. ოფიციალური ინფორმაციით, რომელიც შსს-ს ოფიციალურ ვებგვერდზეა აღნიშნული, ყველაზე ხშირად 25-დან 45 წლამდე ასაკის ადამიანები იკარგებიან.
2025 წლის იანვრიდან ივნისის ჩათვლით ჯამში 64 ადამიანი დაიკარგა, მათგან 36 მოიძებნა, მათ შორის 6 გარდაცვლილი იპოვეს და ამ დრომდე ეძებენ 28 ადამიანს. აქედან 5 არასრულწლოვანია.
გამოცემა წერს, რომ 2024 წელს 114 პირი დაიკარგა, მათგან 57 იპოვეს, მაგრამ 42 დღემდე იძებნება. მათ შორის ექვსი არასრულწლოვანი, ხოლო 18 პირი 25-დან 45 წლამდე ასაკის არის. სტატისტიკის მიხედვით, 1973 წლიდან 2025 წლის ივნისის ჩათვლით საქართველოში სულ დაიკარგა 6 747 ადამიანი და ამ დრომდე არ უნახავთ 1024 ადამიანი. დაკარგულთა უმეტესობა 25- დან 45 წლამდე ასაკისაა. 66% კაცია, 34% კი ქალი. დაკარგული 1024 ადამიანიდან 37 არასრულწლოვანია.