როგორ და ფორმით გეგმავდნენ თანატოლები 28 წლის მასწავლებლის სიკვდილამდე მიყვანას. ირკვევა, რომ 17 წლის ბრალდბულმა გოგონამ დანაშაულის შესახებ ყველაფერი იცოდა. ანი ნასყიდაშვილმა დანაშაული ჩადენამდე და შემდეგაც ფლობდა ინფორმაციას, თუმცა პოლიციას არ შეატყობინა. არასრულწლოვანი გოგო დღეს განსასჯელის სკამზე ისმენდა მისი და მკვლელობაში ბრალდებულბის ვრცელი მიმოწერის ტექსტებს, რომელიც მის მიერ ჩადენილი მძიმე დანაშაულის დამადასტურებელი მტკიცებულებაა.SMS-ებს დახურულ სასამართლო პროცესზე საქმის მთავარი გამომძიებელი კითხულობდა.
გიგა ავალიანის მკვლელობის ცალკე გამოყოფილ საქმეზე, სადაც საბრალდებო სკამზე ანი ნასყიდაშვილი და დემეტრე ჩიქოვანი სხედან, ორი მოწმე დაიკითხა. ლუკა მაყაშვილმა, ბრალდებულების მეგობარმა სასამართლოს დაუდასტურა როგორ გასცემდა მასწავლებელზე თავდასხმის დირექტივებს დემეტრე ჩიქოვანი.
ამის პარალელურად, შვილმკვდარ დედას პირისპირ შეხვედრას დემეტრე ჩიქოვანის დედა სთხოვს. არასრულწლოვანს მკვლელობის ერთ ეპიზოდზე 6 წელი და 9 თვე უკვე მიუსაჯეს, ჩოქოვანი ახლა 12 წლიანი მუხლით სასჯელის განსაზღვრის მოლოდინშია. როგორც მოკლული პედაგოგის დედა, გვიყვება, შვილის მკვლელობაში ბრალდებულის მშობელს სავარაუდოდ მისი გადაბირება სურს, რაც არ გამოუვა.