აშშ-ის პრეზიდენტმა, დონალდ ტრამპმა განაცხადა, რომ მომდევნო ორი დღის განმავლობაში პაკისტანში „შესაძლოა რაღაც მოხდეს“, იმ ფონზე, როდესაც აშშ და ირანი მოლაპარაკებების მაგიდასთან დაბრუნებას ცდილობენ.
„თქვენ ნამდვილად უნდა დარჩეთ იქ, რადგან მომდევნო ორი დღის განმავლობაში შეიძლება რაღაც მოხდეს და ჩვენ უფრო მეტად იქითკენ ვიხრებით“, – განუცხადა ტრამპმა New York Post-ის რეპორტიორს, რომელიც მივლინებით ისლამაბადში იმყოფება.
„ეს უფრო სავარაუდოა, იცით რატომ? იმიტომ, რომ ფელდმარშალი შესანიშნავ საქმეს აკეთებს“, – დასძინა მან.