ისრაელის პრემიერ-მინისტრი ბენიამინ ნეთანიაჰუ აცხადებს, რომ დონალდ ტრამპის გეგმებს, ირანის პორტების ბლოკირების შესახებ, ისრაელი მხარს უჭერს.
ისრაელის კაბინეტის სხდომაზე გამოსვლისას ნეთანიაჰუმ განაცხადა, რომ ტრამპმა თეირანის წინააღმდეგ ეს მუქარა იმიტომ გააკეთა, რომ ირანმა აშშ-თან სამშვიდობო მოლაპარაკებების დროს „წესები დაარღვია“.
„პრეზიდენტმა ტრამპმა გადაწყვიტა მათთვის საზღვაო ბლოკადის დაწესება. ჩვენ, რა თქმა უნდა, ვუჭერთ მხარს ამ მტკიცე პოზიციას და ჩვენ კოორდინაციაში ვართ შეერთებულ შტატებთან“, – განაცხადა ნეთანიაჰუმ.
მისივე თქმით, ჯეი დი ვენსმა მას ინფორმაცია მიაწოდა პაკისტანში მოლაპარაკებების შეთანხმების მიღწევის შემდეგ. მისი თქმით, აშშ-ის ვიცე-პრეზიდენტმა ისლამაბადიდან გასვლის შემდეგ თვითმფრინავიდან დაურეკა და „ნათლად აუხსნა, რომ ცენტრალური საკითხია ირანიდან ყველა გამდიდრებული მასალის ამოღება და იმის უზრუნველყოფა, რომ ურანის გამდიდრება აღარ მოხდეს“.
ცნობისთვის, დონალდ ტრამპის განცხადებით, 13 აპრილს, შტატების დროით დილის 10:00 საათზე ირანის პორტებში შემავალი ან გამომავალი გემების ბლოკირებას დაიწყებს.