მეტეოროლოგი კობა ფარტენაძე სოციალურ ქსელში მოსალოდნელი ამინდის შესახებ წერს:
“13 აპრილის ამინდის პროგნოზი – ხსოვნის დღე!
აღდგომის შემდეგი დღე, როცა ოჯახები და მეგობრები საფლავებზე მიდიან, თითქოს უხილავი ხიდია ცოცხლებსა და გარდაცვლილებს შორის. ეს არის დრო, როცა სიჩუმე უფრო მეტს ამბობს, ვიდრე სიტყვები, ამიტომაც ამინდი მნიშვნელოვანი ფაქტორია ამ დღისთვის.
13 აპრილს – დასავლეთ საქართველოში ისევ იწვიმებს ამიტომ ქოლგა და საწვიმარი თქვენი თანმხლები უნდა გახდეს. აღმოსავლეთშიც იწვიმებს, თუმცა უფრო მსუბუქად, თითქოს მხოლოდ შეხსენებად, რომ ბუნებაც მონაწილეობს ამ საერთო რიტუალში.
გაითვალისწინეთ ამინდის პროგნოზი, მაგრამ გახსოვდეთ: წვიმა ვერასოდეს ჩაახშობს იმ სინათლეს, რომელსაც ჩვენი მიცვალებულების ხსოვნა ანთებს. ეს დღე არის ერთიანობის, სიყვარულისა და მარადიული კავშირის დღე”