თურქეთმა ისრაელის პრემიერმინისტრსა და მისი ხელისუფლების კიდევ 35 წარმომადგენელს ბრალდება წაუყენა, რომელიც თურქული სისხლის სამართლის კოდექსით, 4 596 წლამდე პატიმრობას ითვალისწინებს. თურქეთის პროკურატურის მიერ ბრალდებულთა სიაში არიან თავდაცვის მინისტრი ისრაელ კაცი და ეროვნული უსაფრთხოების მინისტრი ბენ-გვირი.
“ბრალდება ნეთანიაჰუსა და სხვა ისრაელელი ჩინოვნიკებისთვის 4,596 წლამდე თავისუფლების აღკვეთას ითხოვს კაცობრიობის წინააღმდეგ ჩადენილი დანაშაულებისთვის, გენოციდისა და 2025 წელს Sumud-ის ფლოტილიის დაკავებისთვის” – წერს თურქული მედია.
ბრალდების თანახმად, “ფლოტილიაზე მყოფი აქტივისტები ღაზაში ჰუმანიტარული დახმარების ჩასატანად მიემართებოდნენ, როდესაც ისრაელის საზღვაო ძალებმა საერთაშორისო წყლებში თავდასხმა განახორციელეს”.
თურქეთს 2025 წლის ნოემბრიდან ბენიამინ ნეთანიაჰუსა და ისრაელის სხვა მაღალჩინოსნების დაპატიმრების ორდერებიც აქვს გაცემული.