მიხეილ ყაველაშვილი შვილებთან, ირაკლი კობახიძესთან, შალვა პაპუაშვილთან, კახა კალაძესთან, აღმასრულებელი და საკანონმდებლო ხელისუფლების წარმომადგენლებთან ერთად სიონის საპატრიარქო ტაძარში სააღდგომო ლიტურგიას დაესწრო.
საზეიმო წირვა საპატრიარქო ტახტის მოსაყდრემ, სენაკისა და ჩხოროწყუს მიტროპოლიტმა შიომ (მუჯირი) მღვდელმთავრებთან და სამღვდელოებასთან ერთად აღავლინა.
საზეიმო წირვის დაწყებამდე სიონის ტაძარში შეკრებილმა მრევლმა მიტროპოლიტ შიოს (მუჯირი) სააღდგომო ეპისტოლე მოისმინა.