9 აპრილის მემორიალთან მომხდარი დაპირისპირება – პირი, რომელიც მოქალაქეების თქმით, მემორიალთან შეკრებილ აქტივისტებს ფიზიკურად გაუსწორდა, ამტკიცებს, რომ არავისზე უძალადია – ინფორმაციას “ტვ პირველი” ავრცელებს.
საბა ხაჯალია გუშინ ძველი თბილსის სამმართველოში მთელი ღამის განმავლობაში იკითხებოდა. როგორც ის “ტვ პირველთან” სატელეფონო ინტერვიუში აცხადებს, ყველაფერი პოლიციას უთხრა, მაგრამ ამის შესახებ საჯაროდ საუბარს არ აპირებს.
“(ჟურნალისტი: არ დაუვალებიათ ვინმეს ცემა) არა შენ შემოგევლე. რომელ ძალადობში მხილებული პირი? მე არ ვაპირებ თქვენთან კომენტარის გაკეთებას პირველ რიგში ამას გეტყვი, მერე გამოძიება მიმდინარეობს. (ჟურნალისტი: რა უთხარით გამომძიებლებს, რომ თქვენ გცემეს?) შენ შემოგევლე მომისმენ ახლა რას გელაპარაკებით, თუ გააგრძელებ ასე ლაპარაკს? კითხვებზე პასუხს არ გცემთქო გითხარი. შენ ვუინნ გეკითხება მე რას ვაკეთებ. ვინ მფარველოსბ არა… კარგად იყავით”, – ამბობს საბა ხაჯალია.
როგორც სამოქალაქო აქტივისტები ამბობენ, პარლამენტის მიმდებარე ტერიტორიაზე, მათ თავს ის ადამიანები დაესხნენ, ვინც მელიქიშვილის გამზირზე, კახა კალაძის შტაბთან აქციის მიმდინარეობისას პროტესტის მონაწილეებს ფიზიკურად უსწორდებოდნენ.
მოქალაქეების თქმით, ერთ-ერთი თავდამსხმელი ზაზა ნიშნიანიძეა. არაოფიციალური ინფორმაციით, ის გამგეობაშია დასაქმებული.
ასევე ასახელებენ საბა ხაჯალიასაც. კადრებში ჩანს, როგორ უსწორდება ხაჯალია ფიზიკურად სამოქალაქო აქტივისტს.