ჯარიმებების ახალი სერია პროტესტის მონაწილეების წინააღმდეგ – ბოლო ორი დღეა აქტივისტებს ერთმანეთის მიყოლებით მისდით მესიჯები, რომ მათი ანგარიშები დაყადაღებულია.
როგორც განათლების მკვლევარი, პედაგოგი, „მოძრაობა სოციალური დემოკრატიისთვის“ წევრი, საზოგადოებრივი მაუწყებლის პროტესტის ერთ-ერთი ორგანიზატორი გოტა ჭანტურია “პირველებთან” აცახდებს, საზოგადოებრივი მაუწყებლის პროტეტსის ათამდე წევრს მიუვიდა ერთდროულად ჯარიმები და ყადაღა დიდი რაოდენობით – “მე მაგალითად 70 000 ლარამდე მაქვს”.
მისი თქმით, არის შემთხვევები, რომ ოჯახიდან ორი ადამიანია დაყადაღებული – “ეს არის არა მარტო ეკონომიკური ტერორი, არამედ ოჯახის მიმართ რეპრესია”.
“ბოლო ორი დღის მანძილზე უწყვეტად მოგვდიოდა მესიჯები ამ ყადაღასთან დაკავშირებით. ძირითადად ეს იყო გზის გადაკეტვა – 5000 ლარიანი ჯარიმები და საოცარია, რომ გარდა იმისა, რომ გაჯარიმებენ, აღსრულება კიდევ დამატებით ხარჯს იღებს, 350 ლარის ოდენობით. საზოგადოებრივი მაუწყებლის ათამდე წევრს მიუვიდა ერთდროულად ჯარიმები და ყადაღა დიდი რაოდენობით. მე მაგალითად 70 000 ლარამდე მაქვს. გვაქვს შემთხვევა, როცა ოჯახიდან ორ ადამიანს აქვს ყადაღა დადებული, ეს არა მარტო ეკონომიკური ტერორია, არამედ განაგურებაა მათი, მთლიანად ოჯახის მიმართ არის ასეთი ტიპის რეპრესია, მაშინ როცა ამბობენ, რომ ოჯახურ ღირებულებებზე ზრუნავენ” – ამბობს გოტა ჭანტურია.
შეგახსენებთ, რომ გახარიას გუნდი სამოქალაქო ატივისტებისთვის 174-ე პრიმა მუხლით დაკისრებულ ჯარიმების ამნისტიას ითხოვს, იმ ჯარიმების, რომლიც მოქალაქეებს 2026 წლის პირველ აპრილამდე გამოუწერეს.