ერაყში გატაცებული ამერიკელი ჟურნალისტი შელი კიტლსონი გათავისუფლებულია.
აშშ-ის სახელმწიფო მდივანის, მარკო რუბიოს განცხადებით, ამჟამად შეერთებული შტატები კიტლსონის ერაყიდან უსაფრთხოდ გასვლის უზრუნველსაყოფად მუშაობს.
„მოხარული ვარ გაცნობოთ ამერიკელი ჟურნალისტის, შელი კიტლსონის, გათავისუფლების შესახებ, რომელიც ცოტა ხნის წინ ერაყის დედაქალაქ ბაღდადთან ახლოს, უცხოური ტერორისტული ორგანიზაცია „კატაიბ ჰეზბოლას“ წევრებმა გაიტაცეს“-აცხადებს სახელმწიფო მდივანი.
„კატაიბ ჰეზბოლამ” განაცხადა, რომ ამერიკელი ჟურნალისტი გათავისუფლებულია იმ პირობით, რომ დაუყოვნებლივ დატოვებს ერაყის ტერიტორიას.