“კობახიძე არარაობაა” – შალვა ნათელაშვილი

კობახიძეზე საუბარი არ ღირს, რადგან ის არარაობაა, – ამის შესახებ “ლეიბორისტული პარტიის“ ლიდერმა გადაცემა “რეაქციაში“ განაცხადა.

ნათელაშვილის თქმით, “ოცნებაში“ არიან არარაობები, რომლებსაც ნებისმიერ დროს დაიქირავებს ივანიშვილი, ამუშავებს ვირებივით, დაასაჩუქრებს, გამოიყენებს და მიაგდებს, ან ციხეში გაუშვებს.

კობახიძე არარაობაა, ის მონღოლი მწყემსი, რომ დავარქვი პაპუაშვილს, ესენი არარაობები არიან. ესეთ არარაობებს ნებისმიერ დღეს დაიქირავებს, მიიყვანს, ამუშავებს ვირებივით, დაასაჩუქრებს, მისცემს დიდ ფულს. ამის თვისება ხომ ეგ არის, მამონა და ეშმაკი სწორედ ასე ყიდულობს და იუდაც სწორედ ამაზეა აგებული ეგ სიუჟეტი. იყიდოს სულები ადამიანების, მაგრამ ამათ მე მგონი სულებიც არ ჰქონდათ, გამოიყენოს, მიაგდოს, ან ციხეში გაუშვას. საქართველო ხელში ჩაგდებული აქვს კრიმინალურ სინდიკატს, რომლის ხელმძღვანელია ივანიშვილი. ამ სინდიკატში შედიან ეს მილიონრები და მილიარდერები, რომლებიც არიან ორფეხა ბოროტმოქმედები, ამიტომ მათი არსებობა უნდა დამთავრდეს, – განაცხადა ნათელაშვილმა.