აფგან მუხთარლი ამტკიცებს, რომ აზერბაიჯანელი ჟურნალისტის საქართველოდან გაძევებაში ალიევმა დიდი ფული ბიძინა ივანიშვილს გადაუხადა. ჟურნალისტი, რომელიც აზერბაიჯანის მთავრობაში კორუფციაზე საუბრის გამო რეპრესიების მსხვერპლი ჯერ სამშობლოში, შემდეგ კი საქართველოში გახდა, “TV პირველთან” ინტერვიუში ყვება, რომ ილჰამ ალიევს, თბილისში ვიზიტის დროს აზერბაიჯანელი დისიდენტის პროტესტის შეეშინდა – რის გამოც მისი გაქრობა შეუკვეთა.
აფგან სადიგოვის წინააღმდეგ რამდენიმე დღის წინ დაწერილი პოსტის გამო ჯერ ადმინისტრაციული წარმოება დაიწყეს, ამავე საქმეზე შუაღამეს სახლიდან აიყვანეს, დილის ოთხ საათზე კი უკვე მოსამართლის გადაწყვეტილება გამოცხადდა. მთელ ამ პროცესში არ გახსენებიათ სტრასბურგის სასამართლოს გადაწყვეტილება, რომელიც ჟურნალისტის აზერბაიჯანში ექსტრადაციას კრძალავდა.
საერთაშორისო სამართლის ვალდებულებების დარღვევა, შესაძლოა “ოცნების” ხელისუფლებისთვის ახალი სანქციების საფუძველი გახდეს. მართლმსაჯულების სახლის დამფუძნებელი ამბობს, რომ ადამიანის უფლებათა ევროპული სასამართლოს გადაწყვეტილებების უგულებელყოფა ივანიშვილის გუნდს ძვირი დაუჯდება – რაზეც პასუხისმგებელი, პოლიტიკური დავალებების შემსრულებელი მოსამართლეები იქნებიან.