გავრცელებული ინფორმაციით, საქართველოში მცხორები აზერბაიჯანელი ჟურნალისტი აფგან სადიგოვი დააკავეს.
ინფომაცია და კადრები ჟურნალისტის ცოლმა სოციალური ქსელით გაავრცელა.
კადრებში ორი სამოქალაქო ტანსაცმელში გამოწყობილი კაცი და 112-ის რამდენიმე თანამშრომელი ჩანს.
„ცოტა ხნის წინ საქართველოს პოლიცია ჩემი მეუღლის, აფგან სადიგოვის საცხოვრებელ სახლში შეიჭრა. თავდაპირველად ბინის კარის შემტვრევას ცდილობდნენ და კარის გაღებას მოითხოვდნენ. მას შემდეგ, რაც აფგანმა კარი გააღო, მასზე ფიზიკურად იძალადეს და ყოველგვარი დასაბუთებული მიზეზის გარეშე, ძალის გამოყენებით წაიყვანეს. მოგვიანებით სათვალთვალო კამერა გამორთეს და ჩანაწერები წაშალეს. თუმცა, წაშლამდე ზოგიერთი კადრის შენახვა მოვასწარი“, – წერს ჟურნალისტის მეუღლე სევინჩ სადიგოვა.