გამოცემა ბათუმელების ინფორმაციით, ცენტრალური კრიმინალური პოლიციის დეპარტამენტის დირექტორის მოადგილე, გრიგოლ ბესელია შსს-დან კორუფციის გამო გაუშვეს. ფაქტს, რომ ბესელია შსს-ში აღარ მუშაობს, გამოცემას უდასტურებს უწყებაც, თუმცა არ აკონკრეტებენ ბესელიამ თანამდებობა დატოვა, თუ გაათავისუფლეს.
“ბათუმელების“ ინფორმაციით, პროკურატურას გრიგოლ ბესელიასთან კითხვები აქვს კორუფციის საქმეზე. პროკურატურიაში გამოცემას კითხვაზე არ უპასუხეს.
გრიგოლ ბესელიამ აჭარის პოლიციის დეპარტამენტის უფროსის პოსტი 4 აპრილს დატოვა. 2025 წლის მაისში იგი ცენტრალური კრიმინალური პოლიციის დეპარტამენტის დირექტორის, მოადგილედ დაინიშნა. გრიგოლ ბესელია ერთ-ერთი მოწმეა მზია ამაღლობელის საქმეში.