აშშ-ის პრეზიდენტმა, დონალდ ტრამპმა სოციალურ ქსელში ვიდეომასალა გამოაქვეყნა, რომელიც, მისი თქმით, ირანის ყველაზე დიდი ხიდის განადგურებას ასახავს.
ვიდეოსთან ერთად ტრამპმა ირანის ხელისუფლებას კიდევ ერთხელ მოუწოდა მოლაპარაკებებისკენ. მისი თქმით, თეირანმა უნდა „დადოს შეთანხმება, სანამ ძალიან გვიან არ არის“.
„ირანის უდიდესი ხიდი ინგრევა და მას ვეღარასდროს გამოიყენებენ – წინ კიდევ ბევრი რამ არის! დროა, ირანმა დადოს შეთანხმება, სანამ ძალიან გვიან არ არის და სანამ ჯერ კიდევ დარჩენილია რამე იმისგან, რაც შეიძლება დიდებულ ქვეყნად იქცეს!“ – განაცხადა მან.