“პატრიარქის ნათლულების სახელით ყალბი გვერდი შეიქმნა”- საპატრიარქო ინფორმაციას ავრცელებს

საქართველოს საპატრიარქოს ინფორმაციით, პატრიარქის ნათლულების სახელით სოციალურ ქსელში ყალბი გვერდი შეიქმნა, რომელზეც სხვადასხვა სახის ინფორმაცია იდება.

საპატრიარქო აცხადებს, რომ მათთვის არ არის ცნობილი, ვინ გამოიყენა პატრიარქის ნათლულების სახელი ყალბი ჯგუფის შესაქმნელად.

„ბოლო პერიოდში სოციალურ ქსელში გამოჩნდა ჯგუფი „კათოლიკოს-პატრიარქ ილია მეორეს ნათლულები“, სადაც იდება სხვადასხვა სახის ინფორმაცია.

გვსურს გაცნობოთ, რომ ეს გვერდი არ არის საპატრიარქოს მიერ შექმნილი და არც ის არის ცნობილი ჩვენთვის, ვინ გამოიყენა პატრიარქის ნათლულების სახელი და შექმნა აღნიშნული ჯგუფი.

გიზიარებთ დღესდღეობით არსებულ საპატრიარქოს მიერ შექმნილ ნათლულთა გვერდის ბმულს“, – აღნიშნულია ინფორმაციაში.