ცურტაველი ეპისკოპოსი, მეუფე ვახტანგი “პირველებთან” არ გამორიცხავს, რომ შესაძლოა, 3 აპრილს, სინოდის სხდომაზე შესაძლებელია სხდომაზე მართვა-გამგეობის დებულების ზოგიერთი მუხლის დაზუსტება მოხდეს და გაკეთდეს ჩანაწერი ასაკობრივ ცენზთან დაკავშირებით.
თუ სინოდი დაადგენს, რომ მართვა-გამგეობის დებულებით, 70 წელზე თუნდაც ერთი დღით მეტი ასაკის პირს არ შეუძლია კენჭი იყაროს პატრიარქად, არჩევნებს გამოეთიშება საჩხერისა და ჭიათურის მიტროპოლიტი დანიელი.
სასულიერო პირის თქმით, სინოდზე 3 აპრილს საპროცედურო საკითხები განიხილება და კანდიდატების წარდგენა არ იგეგმება.
მეუფე ვახტანგი ამბობს, რომ სინოდის სხდომაზე ყველა წევრი არ იქნება – “შეიძლება მეც არ ვიყო”.
“პირველებმა” ცურტაველ ეპისკოპოსს ჰკითხა, ხომ არ იგგემება მართვა-გამგეობის დებულებაში განათლების საკითხზე რაიმე კონკრეტულის დაზუსტება, რაზეც სასულიერო პირმა განაცხადა, რომ საპატრიარქო კანდიდატს თეოლოგიური განათლება უნდა ჰქონდეს – “მაგის კონკრეტიზაცია უკვე არსებობს”.
“საპროცედურო საკითხები განიხილება. კანდიდატების წარდგენა და რაღაც ასეთი არ იქნება. მართვა-გამგეობის კანონები ბოლომდე არ არის მიყვანილი, დავუშვათ კონკრეტიზაცია არ არის ამ კანონში და ეს რომ მოხდეს, ამიტომ იკრიბება სინოდის სხდომა. ყველა წევრი არ იქნება, შეიძლება მეც არ ვიყო. შეიძლება იყოს ჩანაწერი (არა უმეტეს 70 წლისაში რა იგულისმება) რატომაც არა, შეიძლება იყოს. განათლების საკითხი – მაგის კონკრეტიზაცია უკვე არსებობს. თეოლოგიური განათლება უნდა ჰქონდეს საპატრიარქო კანდიდატს. იგულისმება ადგილობრივი განათლება რაც უნდა იცოდეს, რა თქმა უნდა კარგად. შესაძლოა, რაღაცა მონასტერშიდაც ისწავლოს ადამიანმა, მაგრამ ეს არ იქნება სრულყოფილი, ანუ მარტო პირჯვრის წერა დრეს არ არის საკმარისი, რომ იაზროვნო საღვთისმეტყველო შემეცნებით. დროა ისეთი, მაგალითად რატომ არ უნდა იცოდეს ადამიანმა შრომები “დრო და ყოფიერება”. სასულიერო პირი შემკობილი უნდა იყოს თავისი ღირსებით, განათლებით, ჯვრებით, ხედვებით, ნუ ახლა უნივერსალი ვერავინ იქნება- ლეონდარდო არავინ არის, მაგრამ სასურველია, რომ საპატრიარქო კანდიდატი წარმოსაჩენი იყოს” – ცურტაველი ეპისკოპოსი, მეუფე ვახტანგი