სურსათის ეროვნული სააგენტოს ცნობით, სეს-ი შიდა ქართლში, მათ შორის გორში, ჰიპერპოპულაციის მართვის პროგრამას ამ ეტაპზე არ ახორციელებს:
“სურსათის ეროვნული სააგენტო შიდა ქართლში, მათ შორის ქალაქ გორში, ჰიპერპოპულაციის მართვის პროგრამას, ამ ეტაპზე, არ ახორციელებს. შესაბამისად, გავრცელებული ინფორმაცია თითქოს სააგენტოს ეკიპაჟებმა გორში ძაღლები აიყვანეს და თავშესაფარში გადაიყვანეს არის მიზანმიმართული სიცრუე და საზოგადოების შეცდომაში შეყვანა, რომლის ერთადერთი მიზანიც არის ძაღლების პოპულაციის მართვის პროგრამის დისკრედიტაცია.
სურსათის ეროვნული სააგენტო კიდევ ერთხელ მოუწოდებს მოსახლეობის გარკვეულ ნაწილს, თავი შეიკავონ დაუზუსტებელი და არასწორი ინფორმაციების გავრცელებისგან” – განუცხადეს სურსათის ეროვნულ სააგენტოში “მთავარს”.
დღეს სოციალურ ქსელში გავრცელდა ვიდეო, სადაც ცხოველების უფლებადამცველების თქმით, ჩანს გორის თავშესაფრის კრემატორიუმი, საიდანაც კვამლი ამოდის.