ორგანიზაცია “საფარის“ ხელმძღვანელი, ბაია პატარაია ევროსასამართლოს გადაწყვეტილებაზე საუბრობს და ამბობს, რომ საქართველოსთვის ეს არის პირველი გადაწყვეტილება, რომელიც ეხება სექსუალურ ძალადობას და ამ შემთხვევაში ეს ძალადობა ხორციელდებოდა ბავშვზე.
პატარაიას განმარტებით, სტრასბურგის სასამართლომ თქვა, რომ ასეთი გაჭიანურებული მართლმსაჯულება უკვე არღვევს ბავშვის უფლებებს და თქვა, რომ სტანდარტები, რომლითაც გამოძიება მუშაობს საქართველოში, არ შეესაბამება სტრასბურგის კონვენციის სტანდარტებს.
მისი თქმით, არასრულწლოვანმა, რომელიც მამინაცვლის მხრიდან სექსუალური ძალადობსი მსხვერპლი იყო, საქართველოში თავისი სიმართლე ვერ დაამტკიცა, საფარის დახამრებით კი სარჩელი ევროსასამართლოში გაიგზავნა.
სწორედ ამიტომ არის მნიშვნელოვანი არასამთავრობო ორგანიზაციების არსებობა – ამბობს “საფარის” ხელმძღვანელი, ინფორმაციას “ტვ პირველი” ავრცელებს.
ცნობისთვის, საფარი ამ ეტაპზეც დაყადარებულია და ამ ეტაპზე შეზრუდული რესურსით მუშაობს.
“ძალიან მნიშვნელოვანი გადაწყვეტილება გამოიტანა გუშინ სტრასბურგის სასამართლომ. საქართველოსთვის ეს არის პირველი გადაწყვეტილება, რომელიც ეხება სექსუალურ ძალადობას და ამ შემთხვევაში ეს ძალადობა ხორციელდებოდა ბავშვზე. თვითონ ფაქტს 2021 წელს ჰქონდა ადგილი. ჩვენ ერთ წელიწადში მივმართეთ სტრასბურგის სასამართლოს და საკმაოდ დაჩქრებულ ვადებში განიხილა. სასამართლომ თქვა, რომ ასეთი გაჭიანურებული მართლმსაჯულება უკვე არღვევს ბავშვის უფლებებს და თქვა, რომ სტანდარტები, რომლითაც გამოძიება მუშაობს საქართველოში, არ შეესაბამება სტრასბურგის კონვენციის სტანდარტებს. აქვე უნდა ითქვას, რომ ამ ბავშვმა იმის მიუხედავად რომ ბევრი იბრძოლა, საქართველოში ვერ შეძლო თავისი სიმართლის დამტკიცება და რეალურად, მოუწია სტრასბურგისთვის მიმართვა, რომ არა ქალთა და ბავშვთა ორგანიზაციები, ისეთი, როგორიცაა საფარი, ეს ბავშვი საერთოდა დარჩებოდა ყოველგვარი მართლმსაჯულების მიღმა. სწორედ ამიტომ არის მნიშვნელოვანი არასამთავრობო ორგანიზაციების არსებობა. შეგახსენებთ, რომ საფარი ამ ეტაპზეც დაყადარებულია და ჩვენ ძალიან შეზღუდული რესურსებით ვმუშაობთ, ამიტომ, კიდევ ერთხელ მოვუწოდებთ ხელისუფლებბას, გადახედოს თავის პოლიტიკას და ყადაღა მოუხნსას საფარს და ხელი შეუწყოს ქალთა და ბავშთა ორგანიზაციებს მუშაობაში”, – განაცხადა ბაია პატარაიამ.