“ზუსტად 1 წლის წინ, 2025 წლის პირველ აპრილს მიღებულ იქნა უცხოეთის აგენტების რეგისტრაციის აქტი, რომელიც არის გაგრძელება იმ შემზღუდავი საკანონმდებლო კლიმატისა, რომელიც მიზნად ისახავს სამოქალაქო საზოგადოების და მედია-ორგანიზაციების შევიწროებას. ეს კანონი არღვევს საქართველოს კონსტიტუციას, საქართველოს საერთაშორისო ხელშეკრულებებს ადამიანის უფლებების სფეროში და მიზნად ისახავს დამოუკიდებელი სამოქალაქო საზოგადოების და მედიის გაჩუმებას, დისკრედიტაციას და დევნას, მათ შორის სისხლის სამართლებრივი პასუხისმგებლობის დაკისრების ფორმით.
კანონის მიღებიდან ზუსტად 1 წლის თავზე ადამიანის უფლებათა ევროპული სასამართლოდან გვეცნობა, რომ დაიწყო ამ კანონთან დაკავშირებული საქმის განხილვა, რომელიც საია-მ 2025 წელს გაასაჩივრა სტრასბურგის სასამართლოში 6 მომჩივნის სახელით… განსაკუთრებით ხაზგასასმელია ის, რომ სასამართლომ მიუთითა, რომ საქმეს მნიშვნელოვანი ზეგავლენის საქმის სტატუსი შეიძლება მიენიჭოს, ეს ნიშნავს იმას, რომ სტრასბურგის სასამართლო საქმეს პრიორიტეტულ რეჟიმში განიხილავს, რადგან იგი ეხება ფუნდამენტური მნიშვნელობის სამართლებრივ პრობლემას და ამ საქმეზე მიღებული გადაწყვეტილება გახდება პრეცედენტული არამარტო საქართველოსთვის, არამედ ევროპის საბჭოს წევრი სხვა სახელმწიფოებისთვის” – აცხადებენ საია-ში.
გუშინ არასამთავრობო ორგანიზაციებმა გაავრცელეს ინფორმაცია, რომ სტრასბურგის სასამართლომ FARA-ზე საია-სა და მედია ორგანიზაციების ერთობლივი საჩივრის არსებითი განხილვა დაიწყო.