სამოქალაქო აქტივისტს დარეჯან ცხვიტარიას, რომელიც უწყვეტი პროტესტის ფარგლებში წელიწადზე მეტია პარლამენტის წინ ათენებს ღამეს, პირადი ნივთები მეოთხედ წაართვეს. ამის შესახებ ის ვიდეომიმართვაში საუბრობს.
აქტივისტის თქმით, ღამით საკანონმდებლო ორგანოსთან პოლიციელები ისევ გამოჩნდნენ და არც ფაქტის გადაღების უფლება მისცეს.
დარეჯან ცხვიტარია აცხადებს, რომ მიუხედავად მომხდარისა, პროტესტის შეწყვეტას არ აპირებს და მოქალაქეებს მოუწოდებს, ქუჩაში გავიდნენ და მის პროტესტს შეუერთდნენ.
“მეოთხეჯერ დამესხნენ თავს პოლიციის ჯოგი მემანიშვილის ხელმძღვანელობით, გადაღების უფლება არ მოგვცეს. გადავიღეთ, მაგრამ ისიც წაშალეს და ყველაფერი წამართვას აბსოლუტურად. აი, ბეტონზე ვზივარ, რკინაზე ვზივარ, აქედან წასვლას არ ვაპირებ. მეუბნებიან, რომ ადექით და წადითო. მე ვუთხარი, “თქვენ არ შეგარჩენთ ამ ქვეყანას”. სანამ სული მიდგას პირში, აქ ვიქნები და ვნახოთ, ყოველთვის დღევანდელი დღე იქნებოდა, – თქო და ხვალინდელი დღე არ გაუთდენბათ მაგათ? ჰგონიათ, რომ არაფერი შეიცვლება, მაგათი ჰგონიათ ეს ქვეყანა. არ დავუთმოთ, ხალხო, როგორმე, გამოდით, სახლში ჯდომის დრო არ არის. ჯალათების ხელშია ეს ქვეყანა, აუცილებლად უნდა გავისტუმროთ ეს ხელისუფლება. ეს ხელისუფლებაც ხომ არ არის, მიტაცებული აქვს ბიძინა იანიშვილს თავის მონებთან ერთად და აუცილებლად უნდა დაუბრუნდეს ხალხს ხელისუფლება.
უკვე მეოთხეჯერ ყველაფერი წამართვეს, არაფერი დამიტოვეს. მე არსად წასვლას არ ვაპირებ, ვიქნები აქ. გელოდებით,” – ამბობს დარეჯან ცხვიტარია.