ისნის ე.წ. „დაშლილების ბაზრობის“ ტერიტორიაზე ახალი საცხოვრებელი უბნის მშენებლობა იგეგმება — ამის შესახებ სახელმწიფოსთვის წარდგენილ ოფიციალურ დოკუმენტებშია აღნიშნული.
ამ დროისთვის მიმდინარეობს გარემოზე ზემოქმედების შეფასების პროცედურა, ხოლო მშენებელი კომპანია პარალელურად განაშენიანების გეგმას თბილისის მერიასთან ათანხმებს.
ამასთან, უცნობია, რა ბედი ელის თვითდასაქმებულებს — ადამიანებს, რომლებიც წლების განმავლობაში აღნიშნულ ტერიტორიაზე ავტომობილების სათადარიგო ნაწილებით ვაჭრობდნენ.
ადგილზე მომუშავე ადამიანები ითხოვენ, მათთვის ალტერნატიული ადგილი გამოიყოს, სადაც გადასვლას და მუშაობის გაგრძელებას შეძლებენ.