აზარტულ თამაშებზე გაკეთებული საჯარო განცხადებების გამო სერიალიდან სამი მსახიობი მოხსნეს. საუბარია გიგა დათიაშვილზე, დევი ბიბილეიშვილსა და ბექა ხაჩიძეზე.
მსახიობების ინფორმაციით, მათი თქმით, სერიალის სპონსორს არ მოეწონა მათი პოზიცია აზარტული თამაშების შესახებ, რის შემდეგაც პროექტიდან მათი ჩამოშორება მოითხოვა.
გათავისუფლებული მსახიობები აცხადებენ, რომ კონტრაქტი არ დაურღვევიათ და დოკუმენტში არ არსებობდა პუნქტი, რომელიც მათ საჯარო აზრის გამოხატვას ზღუდავდა.
გიგა დათიაშვილი ამბობს, რომ მსახიობები ახლა ახალ კამპანიას იწყებენ, რომლის მიზანიც იქნება, ონლაინ კაზინოებმა საკუთარ პორტალებზე განათავსონ წარწერა, რომ “აზარტული თამაშები ძლიერ დამოკიდებულებას იწვევს”. ~
“
სლებედ. ჯი არსებობს ეგეთი ფეიჯი, ოღონდ ეს კაზინო არ არის, ეს არის სატირული კაზინო და მაგის დამფუძნებელმა, ლაშამ ჩაგვაწერინა ვიდეო, რა აზრის ვართ აზარტულ თამაშებზე და რასაკვირველია, რომელი ჭკუათმყოფელი ადამიანი იტყვის, რომ კაია? ეს არის აქსიომა, რომ აზარტული თამაშები არის ცუდი და ჩვენც ვთქვით, რომ ცუდია აზარტული თამაშები. მერე დაგვირეკეს ჩვენმა მეგობრებმა და გვითხრეს ეგეთი რაღაც, რომ იმის გამო რომ ეს ვიდეო ჩავწერეთ, იყო მოთხოვნა, რომ ჩვენ გავეთავისუფლებინეთ სერიალიდან, იმიტომ, რომ სერიალს აფინანსებდა “კრისტალბეთი”.
დაუჯერებელია ფაქტია, მაგათ გამო მრცხვენია, ყველას გამო საერთოდ, ვინც ეგ გადაწყვეტილება მიიღო. არავინ შეგვხმიანებია “კრისტალბეთიდან” და უკუკავშირი არ ყოფილა, არც ბოდიში მოუხდია ვინმეს და არც რაიმე განცხადება გაუკეთებია.
ჩვენ ახლა ვიწყებთ კამპანიას ამ ონლაინ კაზინოების წინააღმდეგ. ოღონდ, რა თქმა უნდა, ეს კამპანია არ არის იმისკენ მიმართული, რომ გაუქმდეს ეს ონლაინ კაზინო, უბრალოდ, ის მაინც ვცადოთ, რომ ამ ონლაინ ტოტალიზატორებმა დაიწერონ ის მაინც, რომ ონლაინ თამაში, მოკლედ, ეს ბეთინგი და აზარტული თამაში იწვევს ძლიერ დამოკიდებულებას, როგორც სიგარეტის კოლოფს აწერია, რომ მოწევა კლავს”, – ამბობს გიგა დათიაშვილი.
აზარტული თამაშების დაგმობის გამო მსახიობების სერიალიდან მოხსნა დაუშვებლად მიაჩნიათ პროტესტში ჩართულ ადამიანებსაც. მათი თქმით, ეს არა მხოლოდ ცენზურა, არამედ არაპროფესიონალიზმიცაა.