ორთაჭალის ავტოსადგურში მიკროავტობუსის მძღოლების პროტესტია — ათობით მძღოლმა სატრანსპორტო საშუალებები გააჩერა და მუშაობა რამდენიმე საათით შეწყვიტა.
დასაქმებულები ამ ფორმით მათთვის დაწესებულ ახალ შეზღუდვებს აპროტესტებენ. არსებული ინფორმაციით, თბილისიდან კახეთის მიმართულებით მოძრავ მიკროავტობუსებს მეტროსადგურ „ისანთან“ გაჩერება და მგზავრების აყვანა ეკრძალებათ, რის შედეგადაც მგზავრებს ტრანსპორტით სარგებლობა მხოლოდ ორთაჭალიდან შეუძლიათ.
მძღოლების თქმით, აღნიშნული შეზღუდვა მათ მუშაობაზე უარყოფითად აისახება. დეტალებს კრისტი-მარია ოსიაშვილი გაგაცნობთ.
“ისნის მეტრო არის კახეთის მაცოცხლებელი, ყველა, ვაჟა-ფშაველა თუ დიდუბეა, ყველა მოდის ისნის მეტროსთან. აი, აქ რომ იყოს მეტრო, აქ მოვა, მეტროდან აქ 5 ლარია ჩამოსვლა ტაქსში რომ ჩაჯდე. ავტობუსი კიდევ ეგრე არ მოდის, ეგრე არ გამოვა ეს ცხოვრება. ხომ უნდა, შეუწყონ ხალხს ხელი?მე ავდგები და წავალ, მაგრამ ახლა წარმოიდგინეთ, ვინ უნდა მოვიდეს ორთაჭალაში? ყველა იცდის ზევით, მეტროსთან. ვინც პატრონობს სადგურს, ქალაქის მერიაში შეიტანა განცხადება, რომ ჩვენ მანქანებს იეცით უფლება, მანდ გაჩერებისო – შენც არ მომიკვდე, პასუხი არ არის,” – ამბობს მძღოლი.
“ვთხოვთ მთავრობას, გამგეობას, თუ ვინმე ავალია ეგ საქმე, მოგვეხმაროს და მოგვხედონ, რომ ჩვენ ამ გძირებულ საწვავის ფონზე, დაგვეხმარონ…არ შეიძლებაო, საზოგადოებრივი ტრასნპორტი უნდა გაჩერდეს აქ მარტოო და რავიცი, ჩვენც ხომ ხალხი გადაგვყავს…,” – ამბობს კიდევ ერთი მძღოლი.
მიკროავტობუსების მძღოლებმა განცხადება მერიაშიც შეიტანეს თხოვნით, რომ 2-3 წუთით ისნი მეტროს ტერიტორიაზე მიკროავტიბუსის გაჩერება, თუმცა, როგორც ამბობენ, მერიიდან დახმარების ნაცვლად მუქარის წერილები მიიღეს. წერილის თანახმად, ისნის მეტროსთან სათვალთვალო კამერები დამაონტაჟეს და მიკროავტობუსის გაჩერების შემთხვევაში, მძღოლები 1000 ლარით დაჯარიმდებიან.