ლუქსემბურგში მდებარე ევროკავშირის სასამართლომ, 26 მარტს სანქციების მოხსნის შესახებ 5 რუსი ბიზნესმენის საჩივარი უარყო.
ევროკავშირის სანქციები ძალაში რჩება კომპანია „ურალხიმის“ დამფუძნებელ დმიტრი მაზეპინის, „ალფა-ბანკის“ თანადამფუძნებელ გერმან ხანის, მრავალპროფილიანი კომპანიების ჯგუფ „სინარას“ დამფუძნებელ დმიტრი პუმპიანსკის, საინფორმაციო ტექნოლოგიების კომპანია „იანდექსის“ გენერალური დირექტორის ყოფილი მოადგილის, ტიგრან ხუდავერდიანის და „მაგნიტოგორსკის მეტალურგიული კომბინატის“ დირექტორთა საბჭოს ხელმძღვანელ ვიქტორ რაშნიკოვის წინააღმდეგ.
მათ წინააღმდეგ ევროკავშირმა სანქციები აამოქმედა 2022 წლიდან, უკრაინაში რუსეთის არმიის სრულმასშტაბიანი შეჭრის შემდეგ.