სიონის საპატრიარქო ტაძარში ირაკლი კობახიძე, მიხეილ ყაველაშვილი და “ქართული ოცნების” სხვა წევრები მივიდნენ, სადაც კათოლიკოს-პატრიარქის, ილია მეორის გარდაცვალების მეცხრე და ავტოკეფალიის აღდგენის დღესთან დაკავშირებით, საპატრიარქო ტახტის მოსაყდრე, სენაკისა და ჩხოროწყუს მიტროპოლიტი მეუფე შიო სიონის ტაძარში პარაკლისსა და პანაშვიდს აღავლენს.
მსახურება სიონის ტაძარში 14:00 საათზე დაიწყო. მსახურებას ასევე ესწრებიან სინოდის წევრებიც.
ცნობისთვის, სრულიად საქართველოს კათოლიკოს-პატრიარქი, უწმინდესი და უნეტარესი ილია მეორე 17 მარტს გარდაიცვალა. 18 მარტიდან სამების ტაძარში მისი სამოქალაქო პანაშვიდი მიმდინარეობდა. უწმინდესის ხსოვნას ათასობით მოქალაქემ პატივი მიაგო.
ილია მეორე 22 მარტს, სიონის საპატრიარქო ტაძარში დაკრძალეს.