“ამ საკითხის გასარკვევად დავბრუნდები ჩემს ქვეყანაში, გავაკეთებ საჭირო განცხადებებს და მივცემ ჩვენებას” – მსახიობი ჰანდე ერჩელი პირველ კომენტარს აკეთებს გავრცელებულ ინფორმაციასთან დაკავშირებით.
„ჩემი განათლების გამო უკვე დაახლოებით ერთი თვეა, რაც ქვეყნის გარეთ ვარ. გუშინ ღამით, როგორც თქვენ, მეც მედიაში გავრცელებული ამბის შესახებ გავიგე. ამ საკითხის გასარკვევად დავბრუნდები ჩემს ქვეყანაში, გავაკეთებ საჭირო განცხადებებს და მივცემ ჩვენებას.
მე ვარ ადამიანი, რომელსაც უყვარს თავისი ქვეყანა და ენდობა სახელმწიფოსა და თურქულ მართლმსაჯულებას. მჯერა, რომ სიტუაცია უმოკლეს დროში გაირკვევა.“ – წერს სოციალურ ქსელში ჰანდე ერჩელი.
ცნობისთვის, მსახიობ ჰანდე ერჩელის დაკავების ორდერი გაიცა – ნარკოდანაშაულის საქმეზე დაკავებულია 14 პირი