აშშ-ში, ტეხასის შტატში მდებარე Valero Port Arthur-ის ნავთობგადამამუშავებელ ქარხანაში ძლიერი აფეთქება მოხდა. მედიაში გავრცელებული ინფორმაციით, ცეცხლი გაუჩნდა დიზელის ჰიდროგამწმენდ დანადგარს.
სავარაუდო მიზეზად გაუმართავი ინდუსტრიული გამაცხელებელი სახელდება. ოპერატორებმა ობიექტის ნაწილი გათიშეს. მეხანძრეებმა ცეცხლის ლოკალიზება შეძლეს, თუმცა მისი სრულად ჩაქრობა ჯერჯერობით ვერ ხერხდება.
Valero Port Arthur ერთ-ერთი უდიდესი ობიექტია აშშ-ში და ქვეყნის საუკეთესო ხუთეულში შედის. ქარხანას დღეში 435 000 ბარელი ნედლი ნავთობის გადამუშავება შეუძლია.