ბრიტანეთში ისრაელის საელჩო აცხადებს, რომ „ლონდონის ქუჩებში ანტისემიტიზმი მძვინვარებს“ და სინაგოგის წინ სასწრაფო დახმარების მანქანების აფეთქება იმ მრავალწლიანი სიძულვილის შედეგია, რომლის მიმართაც საზოგადოება შემწყნარებლობას იჩენდა.
„საკმარისია. საჭიროა საფუძვლიანი გამოძიება და გადამჭრელი ზომების მიღება, რათა წერტილი დაესვას დაშინების ამ ატმოსფეროს, სანამ სიტუაცია კიდევ უფრო არ გამწვავებულა. დუმილის და უმოქმედობის დრო ამოიწურა“ – წერს დიპლომატიური უწყება X-ზე.
ლონდონში, სინაგოგასთან, უცნობმა პირებმა ებრაული მოხალისეობრივი ორგანიზაციის სასწრაფო დახმარების ოთხ მანქანას ცეცხლი წაუკიდეს. ლონდონის პოლიციის დეპარტამენტმა დაადასტურა, რომ დანაშაული ანტისემიტური სიძულვილის ნიადაგზეა ჩადენილი.