რომში ქართველმა კაცმა ცოლთან კამათის დროს რესტორნის ვიტრინა დააზიანა და გამვლელს, რომელიც მას აწყნარებდა, თითზე უკბინა – ამის შესახებ ინფორმაციას იტალიური მედია LaPresse ავრცელებს. 26 წლის ქართველი კაცი ადგილზევე დააკავეს – მას ბრალად ედება სხეულის განზრახ მძიმე დაზიანება და დამამძიმებელ გარემოებებში ქონების დაზიანება.
დაზარალებულს პირველადი დახმარება გაუწიეს და საავადმყოფოში გადაიყვანეს. დაკავებული კი სასამართლო პროცესამდე წინასწარი დაკავების იზოლატორში მოათავსეს.